Þorsteinn útskrifaðist frá Leiklistarskóla Íslands árið 1991 og hefur síðan starfað sem lausráðinn leikari, m.a. hjá Þjóðleikhúsinu og Leikfélagi Reykjavíkur. Hann hefur skrifað nokkur leikrit auk þess sem hann er einn þeirra sem lék í og skrifaði þáttinn Fóstbræður 2 sem sýndir verða á þessu ári. Meðal þeirra leikrita sem hann hefur skrifað má nefna "Rómeó og Ingibjörg" sem hann skrifaði sérstaklega fyrir Halaleikhópinn. Þetta er í þriðja sinn sem hann leikstýrir Halaleikhópnum, en hann leikstýrði einnig "Túskildingsóperunni" eftir Berthold Brecht og "Aurasálinni" eftir Moliere í samstarfi við föður sinn Guðmund Magnússon. Það má geta þess að þeir feðgar starfa hér saman í annað sinn, þ.e.a.s. Guðmundur sem leikari og Þorsteinn sem leikstjóri.