|
|
Davíð Stefánsson
skrifaði leikritið Gullna hliðið upp úr
alkunnri þjóðsögu,
Sálinni
hans Jóns míns, en áður
hafði hann ort ódauðlegt kvæði
um sama efni. Þjóðsagan
er einstök í sinni röð að efni
og framsetningu.
Hún var prentuð í síðara
bindi Íslenskra þjóðsagna
og ævintýra árið 1864,
en Matthías Jochumsson, sem þá var
við nám í Prestaskólanum
skrásetti hana. Sagan er ekki til í annarri
gerð, svo að vitað sé,
og gæti það bent til þess
að hún sé ekki
mjög
gömul.
|
|
|
|
|
Fæddist í Fagraskógi við Eyjafjörð
21. janúar 1895. Foreldrar hans voru Stefán Stefánsson
bóndi og alþingismaður og kona hans, Ragnheiður
Davíðsdóttir. Stúdentsprófi lauk Davíð frá MR 1919
og sama ár gaf hann út fyrstu ljóðabók sína Svartar
fjaðrir. Sú bók hlaut fádæma vinsældir og má segja,
að hann hafi unnið hug íslensku þjóðarinnar, sérstaklega
yngri kynslóðarinnar, með þessari fyrstu bók.
Eftir Davíð liggja fjöldinn allur
af bókum og þá sérstaklega ljóðabókum og eru þessar
helstar: Svartar fjaðrir 1919, Kvæði 1922,
Kveðjur 1924, Munkarnir á Möðruvöllum (leikrit)
1925, Ný kvæði 1929, Kvæðasafn I-II 1930, Í byggðum
1933, Að norðan 1936, Sólon Islandus I - II (skáldsaga
um Sölva Helgason) 1940, Gullna hliðið 1941, Kvæðasafn
I-III 1943, Vopn guðanna (leikrit) 1944, Ný kvæðabók
1947, Landið gleymda (leikrit) 1956, Ljóð frá liðnu
sumri 1956, Í dögun 1960, Mælt mál (ritgerðarsafn)
1963, Síðustu ljóð 1966.
Davíð lést á Akureyri 1. mars 1964 |
