Nú er sýningum á hinni margrómuðu Sjöundá lokið og tími til að huga að næstu skrefum. Ákveðið var að boða til fundar þar sem félagsmenn geta komið hugmyndum sínum á framfæri við stjórn.

Í lokahófi Sjöundár komu fram sterkar tillögur um að halda fjáröflunar Kaffileikhús í vor. Ekki veitir af að hala inn peningum ef félagsmenn eru til í það. Einnig þarf að huga að næsta leikári, hvað viljum við gera, hvernig verk, hvaða leikstjóra og svo framvegis.

Þetta er frábært tækifæri til að koma handritum á framfæri og láta leiklesa td. Flott að fá að spreyta sig í leikstjórn, taka fyrstu skrefin á sviðinu, lýsa sýningu, hanna búninga, halda utan um verkefni, sinna kynningarmálum, flytja tónlist, ljóð, gjörning, uppistand eða hvaðeina sem félagsmenn eru að bauka.

Ljóst er að við förum ekki af stað með undirbúning undir Kaffileikhús nema manna fyrirfram alla pósta, leikstjórn, handrit, ljós, búninga, förðun, kynningarmál, og svo má lengi telja. Því er mikilvægt að sem flestir komi á fundinn og leggi í púkk hugmyndir fyrir stjórn að vinna eftir. Dagsetning yrði þá 8. og 9. maí eða 14. og 15. maí.

Einnig kom upp hugmynd um að halda Eurovision partý, gaman væri að heyra hvort áhugi er fyrir því líka. Lokakeppnin verður 29. maí. Og ýmislegt fleira má eflaust gera.

Sjáumst hress á mánudaginn og munið að við tökum við flöskum og dósum í sjóðinn okkar. Í þetta sinn verður fundarboðið bara sentí tölvupósti og birt hér svo endileg látið þetta berast og smalið á þankaroksfundinn.

Nýjir félagar eru velkomnir.

Félagsfundur

Miðvikudaginn 10. mars 3010, kl. 20.00 í Halanum.

Bandalagsskólinn flytur!

Leiklistarskóli Bandalags íslenskra leikfélaga verður ekki í Svarfaðardalnum næsta sumar. Við erum búin að leita árum saman að stað sem hefur betra aðgengi fyrir fatlaða en kostar ekki mikið meira en Húsabakki og síðasta ráðið var að auglýsa hjá öllum sveitarfélögunum á landinu. Okkur bárust fjölmörg svör en aðeins eitt mætti okkar kröfum að mestu. Það var frá Húnavallaskóla í Húnavatnshreppi. Þið getið skoðað aðstöðuna á vefslóðinni http://www.hotelhunavellir.is/

Í sumar er áformað að halda þrjú námskeið að Húnavöllum dagana 12. til 20. júní; Leikstjórn I, kennari Sigrún Valbergsdóttir, Leiklist I, kennari Ágústa Skúladóttir og framhald af söngnámskeiðinu frá síðasta sumri, Röddin í leikhúsinu, kennari Þórhildur Örvarsdóttir. Skólabæklingurinn verður sendur út eins og venjulega þann 8. mars, 10 eintök til hvers félags (formanns) og hefjast skráningar þann 15. mars. Þeim lýkur 15. apríl að venju.

Það verður spennandi að hefja skólastarfið á nýjum stað þótt eftirsjá sé að Svarvaðardalnum og fólkinu þar sem hefur verið okkur ómetanlegt öll þessi 13 ár.

Miðvikudaginn 4. nóv. s.l. hófust æfingar á Svartfugli eftir Gunnar Gunnarsson í leikstjórn Ágústu Skúladóttur. Hún er okkur að góðu kunn og er nú að vinna að splunkunýrri leikgerð að Svarfugli og hefur fengið Þorgeir Tryggvason sér til aðstoðar við það.

Stór hópur Halafélaga mætti og var góður hugur í fólki. Ýmislegt kom á óvart þegar Ágústa og Toggi kynntu verkefnið og ljóst er að allir geta verið með sem vilja, mikið verður af hljóðeffektum og lifandi tónlist.

Spennandi verður að fylgjast með framvindunni næstu daga og enn er tækifæri til að vera með.

Næstu æfingar verða fimmtudagskvöld kl. 19.00 til 21.30, og laugardag og sunnudag kl. 14.00 til 17.00.

Upptalningin á hlutverkum gæti verið endalaus enda eru handtökin við að setja upp leiksýningu ansi mörg og því miklivægt að allir sem vettlingi geta valdið komi að verkefninu.

Miðvikudaginn 4. nóv. n.k. kl. 20.00 er komið að langþráðum tímapunkti á þessum vetri þegar við hefjum vinnu við stór verkefni vetrarins, Svartfugl eftir Gunnar Gunnarson í leikstjórn Ágústu Skúladóttur. Hún er okkur að góðu kunn og er nú að vinna að splunkunýrri leikgerð að Svarfugli og hefur fengið Þorgeir Tryggvason sér til aðstoðar við það.

Ætlunin er að hittast og heyra hvernig Ágústa ætar að haga leiktímabilinu. Hún vill að allir sem hafa áhuga á að taka þátt í verkinu komi þetta kvöld, bæði leikara og annað starfsfólk leikhússins, leikmyndasmiðir, búningahönnuðir , ljósa og hljóðmenn og bara allir sem hafa áhuga á að taka þátt.

Upptalningin gæti verið endalaus enda eru handtökin við þetta ansi mörg og því miklivægt að allir sem vettlingi geta valdið komi að verkefninu. Launin eru svo tóm gleði og ánægja við að vinna saman að skemmtilegu verki ekki veitir af á þessum tímum. Við ætlum sem sagt að segja skammdeginu og kreppunni stríð á hendur og halda áfram hinu kröftuga starfi sem hefur verið í Halanum í vor og haust full af gleði.

Haustleikar Halaleikhópsins verða haldnir laugardaginn 17. okt. kl. 20.00 og sunnudaginn 18. okt. kl. 17.00.

Sýnd verða fjögur íslensk stuttverk og flutt tónlistaratriði milli atriða. Tveir félaga Árni Salomonsson og Gunnar Gunnarson, Gunsó leikstýra.

Í hléinu verða seldar vöfflur, kaffi og gos.

Miðaverð er 1000 kr.
Miðasala er í síma 862-4276 og á midi@halaleikhopurinn.is

Dagskrá:

Kaffiveitingar

Nú fer hauststarfið að hefjast hjá okkur.

18. júlí sl. var Haladagur í Krika, þar hittust félagar og skemmtu sér vel í einmuna blíðviðri við leiklestur, grill og glens. Metþátttaka varð eða 42 sem var bara gaman. Mikið var rætt um hversu vel lukkað Kaffileikhúsið var í vor og ekki skemmdi fyrir að útkoman fjárhagslega var einnig mjög góð fyrir leikhópinn. Því hefur verið ákveðið að endurtaka leikinn og halda aftur Kaffileikhús nú í haust. Áætluð dagsetning er 17. – 18. okt. nk. Þegar eru tveir félagar búnir að gefa kost á sér til að leikstýra sinn hvoru stuttverkinu og leikarar farnir að tilkynna þátttöku þó ekki sé farið að auglýsa þetta.

Stjórn vill hvetja fleiri félaga til að spreyta sig á leikstjórn. Þetta er kjörið tækifæri til að stíga fyrstu skrefin í að við gerum allt sjálf og ná þannig niður kostnaði við rekstur leikfélagsins. Við stefnum að því að hafa 3 – 4 stuttverk og tónlistaratriði. Annars veltur þetta allt á þátttöku félagsmanna.

Okkur vantar sem sagt enn tvo leikstjóra, handrit helst íslensk og frumsamin J (nú er að draga uppúr skúffunum), framkvæmdastjóra, leikara, ljósamenn, tónlistarmenn gaman væri að stofna KAFFIHÚSABAND J hljóðmenn, fólk til að sjá um förðun, búninga, ljós, hljóð, leikmynd, ljósmyndara, kvikmyndatökumenn, klippara, góða videókameru, miðasölufólk, einhverja til að gera leikskrá og plakat, kynningaraðila, smiði, málara, bakara, hvíslara, einhverja til að sjá um kaffiveitingarnar og sjoppuna, einhvern til að sjá um þrif, að raða í salinn og skreyta hann, aðstoðarfólk af ýmsu tagi.

Upptalningin gæti verið endalaus enda eru handtökin við að þetta ansi mörg og því mikilvægt að allir sem vettlingi geti valdið komi að verkefninu. Launin eru svo tóm gleði og ánægja við að vinna saman að skemmtilegu verki ekki veitir af á þessum tímum. Við ætlum sem sagt að segja skammdeginu og kreppunni stríð á hendur og hefja vinnusaman vetur í Halanum, fullann af gleði.

Strax í byrjun nóvember hefjast æfingar á Svartfugli eftir Gunnar Gunnarson í nýrri leikgerð og leikstjórn Ágústu Skúladóttur. Stefnt að frumsýningu um mánaðarmótin jan. – feb. 2010. Nánar auglýst síðar. Geta má þess að hægt er að hlusta á Svartfugl á vef ríkisútvarpsins http://ruv.is/podcast/ þar sem Gunnar les söguna sjálfur1956.

Haladagur verður laugardaginn 18. júlí í Krika við Elliðavatn frá kl. 14.00 og fram eftir nóttu ef svo ber undir. Dagskrá verður mjög óformleg nema einhver leikstjóri stigi á svið og stjórni okkur, hver veit. Hugmyndin er að koma saman til að hittast og hafa gaman hvort að öðru. Á staðnum verða einhver handrit og söngblöð. Ef þið lumið á skúffuhandritum þá er þetta kjörið tækifæri til að láta leik lesa þau. Hver veit hvað úr því verður. Allir leikir, glens og grín eru sérlega velkomnir. Ekki er verra ef fólk mætir í búningum með hljóðfæri :-)

Hugsunin er svo að tendra grillið seinni partinn. Þeir sem vilja koma með á grillið og grilla sjálfir, einnig verður hægt að kaupa sér pylsu og pylsubrauð á staðnum til að grilla. Í Krika er selt gos, kaffi, íspinnar, pylsur og sitthvað fleira, en velkomið er líka að taka með sér drykki og söngolíu. Flugdrekar, sápukúlur og hvert annað skemmtiefni velkomið og annað það sem hægt er að skemmta sér og öðrum við. Það er ekki posi í Krika.

Endilega fjölmennið og leyfið leiknum að sleppa lausum hala. Kriki er sumarhús sem Sjálfsbjörg á höfuðborgarsvæðinu á og stendur við Elliðavatn. Það stendur við Elliðahvammsveg. Þegar keyrt er upp Breiðholtsbrautina er farið fram hjá Fellahverfinu og áfram og beygt inn á Vatnsendaveg hjá Hestar og menn,þar er keyrt eftir honum eins og hann liggur í hlykkjum og þegar komið er að hringtorgi no. 3, þessu með stuðlabergssteinunum er beygt þar sem stendur Elliðahvammur. Sá vegur er keyrður eins langt og malbikið nær og aðeins lengra, þá birtist hvítt hús með sólpalli í kring. Þá ertu komin í Krikann. Strætó nr. 28 stoppar við hringtorgið, það er um 700 m. labb þaðan.

Á www.kriki.bloggar.is má sjá nánari leiðarlýsingu og ýmislegt um Krika. Allir velkomnir og takið með ykkur gesti.

Ný stjórn var kosin á aðalfundi 28. maí sl. hana skipa: Ása Hildur Guðjónsdóttir formaður, Höskuldur Höskuldsson varaformaður, Kristín M. Bjarnadóttir gjaldkeri, Anna Sigurðardóttir ritari, Stefanía Björk Björnsdóttir meðstjórnandi. Í varastjórn eru: Guðríður Ólafsdóttir, Elísa Ósk Halldórsdóttir og Einar Andrésson.

18. júlí verður Haladagur í Krika. Óljóst er hvort við gerum eitthvað í haust, það ræðast af fjárhag og dugnaði félagsmanna. Allar hugmyndir eru vel þegnar.

Í nóvember hefjast æfingar á Svartfugli eftir Gunnar Gunnarson í nýrri leikgerð og leikstjórn Ágústu Skúladóttur. Geta má þess að hægt er að hlusta á Svartfugl á vef ríkisútvarpsins http://ruv.is/podcast/

Líf og fjör hefur verið í Halanum undanfarnar vikur. Innanfélagsmenn hafa tekið höndum saman og æft stíft, bæði stuttverk og tónlist. Nokkrar húsmæður tóku sig til og gerðu helling af brauðtertum, skúffukökum og kleinum.

Sem rann ljúft í gesti Kaffileikhússins 21. maí sl. Sýnd voru þrjú stuttverk:

Miðvikudagur í Helvíti, eftir Ármann Guðmundsson, leikstjóri Gunnar Gunnarsson, Gunsó

Bara Tjilla, eftir Jónínu Leósdóttur, leikstjóri Gunnar Gunnarsson, Gunsó

Einleikur fyrir höfund og leikara, eftir Benóný Ægisson, leikstjóri Gunnar Gunnarsson, Gunsó

HJÓLASTÓLASVEITIN flutti nýtt rúllandi uppistand sem þau kalla KÓKOSBOLLU HÓ Ó PÓNÓ,
leikstjóri Ágústa Skúladóttir

Fjórar hljómsveitir fluttu okkur tónlist:

Nafla - Jón, Lister, og Tobias og Daníel og Dúó Gísla blikk

Dagskrá aðalfundar skv. lögum félagsins:

1.              Kosning fundarstjóra og fundarritara.
2.              Inntaka nýrra félaga.
3.              Skýrsla stjórnar.
4.              Afgreiddir endurskoðaðir reikningar félagsins.
5.              Afgreiðsla tillagna sem borist hafa fundinum, svo sem lagabreytingar.
6.              Starfsemi næsta leikárs.
7.              Kosning stjórnar, varastjórnar, tveir skoðunarmenn reikninga.
8.               Önnur mál

Ath. aðeins skuldlausir félagar hafa atkvæðisrétt á aðalfundi.

Líf og fjör hefur verið í Halanum undanfarnar vikur. Innanfélagsmenn hafa tekið höndum saman og æft stíft, bæði stuttverk og tónlist. Nokkrar húsmæður eru í startholum í bakstri og allt að verða tilbúið.

Sýnd verða þrjú stuttverk:

Miðvikudagur í Helvíti, eftir Ármann Guðmundsson, leikstjóri Gunnar Gunnarsson, Gunsó

Bara Tjilla, eftir Jónínu Leósdóttur, leikstjóri Gunnar Gunnarsson, Gunsó

Einleikur fyrir höfund og leikara, eftir Benóný Ægisson, leikstjóri Gunnar Gunnarsson, Gunsó

HJÓLASTÓLASVEITIN mun flytja nýtt rúllandi uppistand sem þau kalla
KÓKOSBOLLU HÓ Ó PÓNÓ, leikstjóri Ágústa Skúladóttir

Fjórar hljómsveitir munu flytja okkur tónlist:

Nafla - Jón, Lister, og Tobias og Daníel og Dúó Gísla blikk

Aðalfundur Bandalags Íslenskra leikfélaga, haldinn að Hlíð í Ölfusi 1. maí 2009 samþykkti svohljóðandi ályktun.

Öflug og fjölbreytt starfsemi íslenskra áhugaleikfélaga er sú grasrót sem leiklistarlíf þjóðarinnar sækir næringu sína í. Mikilvægi starfseminnar fyrir blómlega menningu um landið allt verður ekki dregið í efa. Fólk á öllum aldri og úr öllum stéttum og stöðum þjóðfélagsins sækir í leiklistarstarfið farveg fyrir listræna hæfileika sína, vaxa að trú á eigin getu og finna á eigin skinni hvernig einbeitt vinna að sameiginlegu marki skilar árangri.

Á þessum miklu óvissutímum getur starfsemi af þessu tagi skipt sköpum.Aldrei hefur verið mikilvægara að efla

Laugardaginn 18. apríl kl. 17.00 verður smá hittingur með þeim sem ætla að taka þátt í Kaffileikhúsinu og Margt smátt í Halanum.

Þá förum við yfir það sem komið er og leik-lesum nokkur stuttverk sem Gunsó hefur valið.
Enn er tækifæri fyrir ykkur til að koma ykkur á framfæri við alla verkþætti þess að halda Kaffileikhús. T.d. sem leikstjórar, handritshöfundar, leikarar, búninga - og leikmyndahönnuðir, ljósamenn, hljóðmenn, framkvæmdastjórar eða í raun í öll hlutverk sem þarf við að koma Kaffileikhúsi á laggirnar

Á laugardaginn ræðst það svo af ykkur félagar góðir hvort af þessu verður eða ekki. Fáir hafa enn sem er gefið formlega kost á sér en þó er Gunsó tilbúinn til að leikstýra, nokkrir leikarar hafa gefið kost á sér og vonandi leikskáld líka. Einar er með tónlistaratriði. Svo þetta smá týnist til.

Allir eru velkomnir

Gunsó í hlutverki Malvólíó í Sjeikspírs Karnivalinu

Strax á fundinum kom í ljós að einn félaganna langar að spreyta sig við leikstjórn, nokkrir vildu leika, tveir voru með handrit og fleiri vildu leggja lið á einn eða annan hátt.

Á fundinum var Gunnari Gunnarssyni, Gunsó, falið að halda utan um þetta.

Hugmyndin er að sýna kannski 3 stuttverk og hafa svo tónlistaratriði, uppistand, gjörning eða hvað annað sem félagar vilja koma á framfæri á milli. Byrjað verður að æfa á fullu strax eftir páska.

Þar sem við vitum að Halafélögum er ýmislegt til lista lagt þá auglýsum við nú eftir fleirum til að taka þátt.

Langar þig til að spreyta þig við ? :

Leikstjórn, áttu handrit sem kominn er tími til að viðra, langar þig til að leika, lýsa sýningu, vinna hljóðmynd, gera leikmynd, hanna búninga, vera fjölmiðlafulltrúi, sjá um miðasölu, baka kökur , sjá um kaffisölu, skipuleggja, koma salnum í réttan búning, finna props, gera veggspjöld og auglýsingar, vera ritari, hvísla, áttu tónlistaratriði sem þú vilt koma á framfæri, ljóð eða gjörning ? Eða eitthvað fleira sem við höfum gleymt að telja upp hér?

Endilega hafið samband sem fyrst við Gunsó eða Ásu Hildi, svo við vitum úr hverju við höfum að moða. Þau munu svo hafa samband við þá sem skrá sig til að ákveða nánari dagsetningar. En nú þarf að vinna hratt, það er ljóst.

Tengiliðir: Gunsó gunso52@gmail.com gsm 867-6603, eða Ása Hildur asahildur@internet.is, gsm 862-4276

Á félagsfundinum var líka ákveðið að taka fyrir næsta vetur Svartfugl, eftir Gunnar Gunnarsson. Ágústa Skúladóttir leikstjóri mun gera eigin leikgerð við söguna og vinna hana út frá sögumanni.

Sögulegur bakgrunnur Svartfugls er eitthvert frægasta morðmál Íslandssögunnar, svokölluð Sjöundármorð. Í bókinni er dregin upp skörp mynd af íslensku samfélagi um aldamótin 1800, stéttskiptingu þess, blindri réttvísi kirkju, kóngs og embættismanna og harðneskjunni sem einkenndi aðstæður alþýðu manna.

Svartfugl hefur verið kölluð „fyrsta alvöru glæpasaga á Íslandi“ og hefur í sér alla þessa hefðbundnu glæpasögudrætti; dularfullt mannshvarf, morð, forboðna ást, „leynilöggu“ (prestinn í þessu tilviki) sem hefur ekki alveg hreina samvisku í eigin ástamálum og rotið réttarkerfi. Svartfugl er ástarsaga í aðra röndina og í henni er að finna hinn sígilda ástarþríhyrning og það fleiri en einn. Svartfugl er sannsöguleg þ.e. lýsir atburðum, sem áttu sér stað í raun og veru.

Ágætu leikhúsunnendur.

Hvers vegna viljum við hafa leikhús? Þetta furðulega fyrirbæri sem þó hefur fylgt manninum frá ómunatíð. Í dag, þann 27. mars er Alþjóða leiklistardagurinn. Hann er haldinn hátíðlegur um heim allan í þeim tilgangi að vekja athygli á leiklistinni og mikilvægi hennar í mannlegu samfélagi. Því er vert að staldra við og velta ofangreindri spurningu fyrir sér.

Það fallegasta sem sagt hefur verið um leiklistina og hægt er að taka undir af heilum hug er að löngun mannsins til að leika, sé sprottin af þörf hans til tengjast því sem býr innra með öllum mönnum, þessu innra ljósi sem við búum öll yfir og finnum svo sterkt fyrir. Það er vegna þessarar tengingar, þessarar samkenndar sem við getum skapað nýjan veruleika. Veruleika leikhússins. Fátt er eins dýrmætt fyrir leikara og að finna þessa tengingu og taka þátt í leiksýningu sem á erindi við áhorfandann og hreyfir við honum, hvort sem er í gleði eða sorg. Við mannfólkið erum þelið sem draumar spinnast úr, þessir dýrmætu draumar sem eru eins og gullþráður í því margbrotna mynstri sem tilvist okkar mótast af. Þessi þráður kemur fram í skáldskapnum, myndmálinu, tónlistinni og hreyfingunni. Ekkert er leiklistinni óviðkomandi. Hún á að endurspegla tilvist okkar, sameina upplifun okkar og stuðla að samkennd og skilningi meðal manna.

Í viðleitni sinni til að tjá og spegla veruleikann leitar leiklistin að mismunandi formum. Þess vegna er engin ein tegund leiklistar mikilvægari en önnur.

Til er gamanleikur, harmleikur, grímuleikur, látbragðsleikur, brúðuleikur, einleikur, trúðleikur. Götuleikhús, kaffileikhús, pólitískt leikhús, stofuleikhús, barnaleikhús, vasaleikhús, útileikhús, skuggaleikhús, lítið leikhús, stórt leikhús, útvarpsleikhús, meira að segja ósýnilegt leikhús. Og áhorfendur hafa dregist að leikhúsinu í gegnum aldirnar, alveg eins og þið gerið hér í kvöld. Hvers vegna? Jú, við viljum verða fyrir áhrifum. Við viljum hlæja saman, gráta saman, láta hreyfa við hugsunum okkar og hugmyndum. Og í síbreytilegum heimi þar sem hugmyndafræði og áherslur geta kollsteypst á einni nóttu, eins og við þekkjum svo vel einmitt nú, á leikhúsið brýnt erindi. Það er ekki síst á þannig tímum sem við höfum þörf fyrir leikhús og því ber leikhúsið mikla ábyrgð. Leiklist breytir kannski ekki heiminum en við getum öll verið sammála um að í leikhúsi búi leyndur sannleikur sem hjálpar okkur í þeirri viðleitni að skilja líf okkar og viljann til að búa til betri heim.

Sigrún Edda Björnsdóttir

Allt mannlegt samfélag er sýning og við ákveðin tækifæri býr þetta samfélag til sýningar. Það er sýning í sjálfri samfélagsgerð sinni og býr til sýningar eins og þá sem þú ætlar að sjá hér í kvöld.

Jafnvel þótt við komum ekki auga á það, þá eru mannleg samskipti byggð upp eins og í (leik)sýningu. Rýmisnotkun, líkamstjáning, orðaval og tónfall, framsetning hugsana og tilfinninga – allt sem við höfumst að á leiksviðinu, gerum við jafnframt í daglegu lífi: Allt er leiksvið.

Þann 31. janúar n.k. mun Halaleikhópurinn frumsýna leikritið Sjeikspírs Karnival í leikgerð Þrastar Guðbjartssonar, sem einnig leikstýrir sýningunni. Unnið upp úr þremur verkum Shakespears: ,Þrettándakvöldi, Draumi á Jónsmessunótt og Hinriki IV. Þetta er ærslafullur gamanleikur, sem gerist á einum degi í Illiríu á Karnivali hjá Orsínó greifa. Hann er dapur og því koma vinir hans og leika fyrir hann alls kyns gamanleiki, til að létta honum lífið. Við sögu koma margar af þekktustu gamanleikjapersónum Shakespears, eins og t.d. Malvólíó, Tóbías Búlki, Andrés Agahlýr o.fl.

Þetta er sem fyrr segir, eitt allsherjar grín frá upphafi til enda. 18 leikarar taka þátt í sýningunni og annar eins hópur stendur að baki þeim, við hin ýmsu störf. Halaleikhópurinn var stofnaður 27. september 1992 með það að markmiði að ,,iðka leiklist fyrir alla” og hefur starfað óslitið síðan.

Á þessum árum sem liðin eru frá stofnun Halaleikhópsins, hafa verið settar upp sýningar á hverju ári og stundum fleiri en ein og hafa þær jafnan vakið mikla athygli. Það má segja að Halaleikhópurinn hafi opnað nýja ,,vídd” í starfi leikhópa hér á landi, þar sem fengist er við leiklist á forsendum hvers og eins. Sýnt er í Halanum, Hátúni 12 105 Reykjavík. Nánari upplýsingar er að finna á vef Halaleikhópsins www.halaleikhopurinn.is

Ef þið skylduð hafa áhuga á að fá frekari upplýsingar jafnvel fá viðtöl þá er hægt að hafa samband við Þröst Guðbjartsson leikstjóra í síma: 862 - 4767

Stjórn Halaleikhópsins

Sjeikspírs Karnival er leikgerð Þrastar Guðbjartssonar unnin upp úr þrem verkum Shakespears Þrettándakvöldi, Draumi á Jónsmessunótt og Hinriki IV. Þetta er ærslafullur gamanleikur sem gerist á einum degi í Illiríu á Karnivali hjá Orsínó greifa. Hann er dapur og því koma vinir hans og leika fyrir hann alls kyns gamanleiki til að létta honum lífið.

Við sögu koma margar af þekktustu gamanleikjapersónum Shakespears, eins og td. Malvólíó, Tóbías Búlka, Andrés Agahlýr ofl. Leikritið fjallar í stórum dráttum um ástir, vonbiðla, misskilning og hrekkjabrögð. Tvíburar piltur og stúlka verða viðskila í hafvillu og brotsjó, þeim er bjargað sitt í hvoru lagi, og telja því hvort annað dáið. Stúlkan, Víola villir á sér heimildir með því að klæðast karlmannsfötum og gerast sendiboði Orsínó hertoga. Hann sendir hana (hann) með bónorð til Ólivíu greifaynju, sem hann þráir að eiga, og í stuttu máli fara hjólin að sjúast og Víola (Sesaríó) lendir í einum alsherjar misskilning og leysist ekki úr honum fyrr en í lokaatriðinu þegar bróðir hannar birtist.

Þetta er sem fyrr segir eitt allsherjar grín frá upphafi til enda. 19 leikarar taka þátt í sýningunni, og annar eins hópur stendur að baki þeim, við hin ýmsu störf.

Viltu starfa með glöðum hópi?. Nú á þessu krepputímabili er tilvalið að hjálpast að, við að halda uppi gleðinni. Bros og hlátur létta lífið. Það kostar lítið, en gefur mikið.

Orsínó greifi sem er aðalpersónan í Karnivalinu sem við erum að fara að æfa er dapur, því koma vinir hans og leika fyrir hann alls kyns gamanleiki til að létta honum lífið í Illiríu. Leikritið gerist á aðalgötunni og nálægri strönd þar sem Karnivalið fer fram. Þetta er leikgerð sem Þröstur Guðbjartsson leikstjóri hefur gert úr nokkrum verkum William Shakespeare, og eru þau úr: Þrettándakvöldi, Draumi á Jónsmessunótt, Hinrik fjórða og jafnvel fleiri leikritum. Söguþráður Þrettándakvölds, verður sem rauður þráður í gegnum sýninguna. Við gefum okkur þær  forsendur að þetta gerist allt á einu kvöldi á Karnivali, hjá Orsínó hertoga í Iliríu.

.....verður laugardaginn 1. nóv. kl. 14.00 í Halanum, Hátúni 12. Í verkinu eru minnst 14 leikarar og uppí ? Bæði er um að ræða stór og lítil hlutverk og sum án texta. Í handritinu eru 25 persónur, sami leikari getur tekið fleiri en eina. Nú er tækifæri til að leika sér og segja Kreppunni stríð á hendur með öflugum hóp. Eins og sjá má hér neðar þá þarf mun fleira til en leikara til að setja upp sýninguna og viljum við hvetja alla til að koma og fylgjast með á laugardaginn. Og láta stjórn vita ef þið viljið leggja okkur lið á einn eða annan máta. Allir eru velkomnir.

Við ætlum að haga æfingartímabilinu þannig að við æfum í nóvember, tökum svo frí í desember, en förum svo á fullt strax eftir áramót og stefnum að frumsýningu í lok jan. 2009.

Desember verður notaður til að klára leikmynd, búninga o.fl. sem viðkemur uppsetningunni.

SKIPURIT:

Stjórn hefur verið að uppfæra skipuritið sem unnið var í fyrra og er hugsað til að dreifa álagi á félagsmenn og stjórn. Einnig til að auðvelda alla vinnu við starfsemi félagsins. Skipuritið má finna hér á vef Halaleikhópsins. einnig er hægt að nálgast það hjá stjórn.

Okkur vantar fólk í eftirfarandi embætti samkvæmt skipulagskránni og jafnvel ýmisleg fleira:

Halaleikhópurinn heldur 20 tíma leiklistarnámskeið í október. Kennari verður Þröstur Guðbjartsson leikstjóri. 

Hann tekur fyrir:

• Upphitun, bæði líkamleg og raddleg
• Kontakt og traustæfingar
• Einbeitingu
• Raddæfingar, öndun og hljóð
• Framsögn
• Spuni hin mismunandi form hans æfð

Námskeiðið hefst 13. okt. og lýkur 25. okt. kennt verður mánudaga til fimmtudaga frá kl. 19.30 til 21.30 og frá 13.00 til 15.00 á laugardögum.

Skráning og nánari upplýsingar í síma 862-4276 og á info@halaleikhopurinn.is

Verð er 3000 kr. fyrir skuldlausa félagsmenn og 5000 kr. fyrir aðra.

Allir velkomnir.

Nú hefur Þröstur Guðbjartsson skrifað undir samning við Halaleikhópinn um að leikstýra okkur í vetur. Verkið sem taka á fyrir er leikgerð Þrastar og ber vinnuheitið Shakespeare - Karnival. Stefnt er að því að æfingar hefjist í byrjun nóvember og tekið frí í desember. Haldið svo áfram þar sem frá var horfið strax eftir áramót og frumsýna um mánaðarmótin jan. - feb. 2009.

Leikgerðin er unnin uppúr nokkrum verkum William Shakespeare, það er -   Þrettándakvöldi, Draumi á Jónsmessunótt, Hinrik fjórða og jafnvel fleirum leikritum. Söguþráður Þrettándakvölds verður sem rauður þráður í gegnum sýninguna. Við gefum okkur þær  forsendur að þetta gerist allt á einu kvöldi á Karnivali hjá Orsínó hertoga í Iliríu.

Félagsfundur

Félagsfundur verður haldinn
fimmtudaginn 11. september 2008 kl. 20.00
Í Halanum, Hátúni 12

Dagskrá fundar:

Á opnum stjórnarfundi í gær var góð mæting. Þröstur Guðbjartsson kom og kynnti sig og þær hugmyndir sem hann hefur um verkefnaval næsta leikárs. Rætt var fram og til baka um þær hugmyndir sem uppi eru og niðurstaðan varð sú að stefna að því að taka Shakespear fyrir næsta vetur. Þröstur á leikgerð þar sem hann tók kómíska hluta nokkurra verka og setti saman í eitt í bland við músik. Yfirskriftin verður Karnival. Mest eru þetta brot úr Þrettándakvöldi og Draum á Jónsmessunótt og þó fleira týnt til.

Stefnt er að hafa æfingartímabilið með svipuðu sniði og í fyrra auk þess að hafa námskeið í haust, líklega seinnipartinn í október.

Félagsfundur er áætlaður fyrripartinn í september þar sem þetta verður kynnt nánar.

Vinnudagur

Ástandið á Halanum okkar ástkæra er vægast sagt draslaralegt þessa dagana, því boðum við vinnudag sunnudaginn 24. ágúst. Ekki er búið að ganga frá leikmynd og búningum og tæknidóti eftir ferðalagið í Þjóðleikhúsið.

Taka þarf til í öllum hornum, henda, raða, þrífa já og mála anddyrið okkar í bjartari lit. Við vonum að sem flestir sjái sér fært að koma og hjálpa til einhvern part dagsins, við verðum við frá kl. 12.00 og fram eftir degi eða þar til þessu líkur. Magnús þarf líka aðstoð við að hengja upp ljósabúnað ofl. Því fleiri sem koma því fyrr verðum við búin.

Allir geta eitthvað, einhver þarf að laga kaffið og einhver að skemmta mannskapnum á meðan, svo endilega fjölmennið og takið með ykkur vinnufúsar hendur.

Hægt verður að horfa á leikinn á breiðtjaldi uppi í matsal.

Hala - Fréttir ágúst 2008

Þegar velja á leikstjóra er úr vöndu að ráða. Í ár tók stjórn Halaleikhópsins þá ákvörðun að auglýsa eftir leikstjóra.   Átta umsækjendur sóttu um, þar af sex sem eru mjög hæfir. Nú var úr vöndu að ráða og buðum við þeim að koma á fund stjórnar og kynna sig og sínar hugmyndir af leikhópnum og væntanlegu verkefnavali. Því er stjórn búin að sitja sveitt í góða veðrinu í sumar og fara yfir alla möguleika. Eftir mikla yfirlegu var ákveðið að ráða Þröst Guðbjartsson.

Næsta skref er svo að velja hvaða verkefni við tökum fyrir og hvort við viljum hafa námskeið í haust eða eitthvað annað

Opinn stjórnarfundur

Fimmtudaginn 21. ágúst kl. 20.00 verður opinn stjórnarfundur þar sem Þröstur kemur og kynnir sínar hugmyndir að verkefnavali og hlustar á okkar. Því viljum við bjóða öllum þeim Halafélögum sem áhuga hafa að koma og taka þátt í umræðunni og koma sínum hugmyndum að. Saman veljum við síðan verk sem við vinnum í vetur.

Þá verður einnig tekin ákvörðun um hvort við höldum leiklistarnámskeið í haust eða hvort við gerum eitthvað allt annað. Gott væri að heyra frá félagsmönnum þeirra óskir og hugmyndir.

BÍL stefnir að því að halda Margt smátt í haust líklega 10. – 12. okt. Gaman væri að koma með atriði frá Halaleikhópnum. Einhverjar hugmyndir ?

Fyrirkomulag æfingatímabilsins í fyrra gafst mjög vel og stefnum við að því að hafa svipað fyrirkomulag í ár. Sem sagt hefja æfingar í nóvember og æfa í 4. vikur. Taka svo hlé fram yfir áramót og stefna að frumsýningu um mánaðarmótin jan. / feb. Hugsanlega taka eina eða tvær æfingar í desember.

Félagsfundur verður svo í september. Nánar auglýst síðar.

Vinnudagur

Ástandið á Halanum okkar ástkæra er vægast sagt draslaralegt þessa dagana, því boðum við vinnudag sunnudaginn 24. ágúst. Ekki er búið að ganga frá leikmynd og búningum og tæknidóti eftir ferðalagið í Þjóðleikhúsið.

Taka þarf til í öllum hornum, henda, raða, þrífa já og mála anddyrið okkar í bjartari lit. Við vonum að sem flestir sjái sér fært að koma og hjálpa til einhvern part dagsins, við verðum við frá kl. 12.00 og fram eftir degi eða þar til þessu líkur. Magnús þarf líka aðstoð við að hengja upp ljósabúnað ofl. Því fleiri sem koma því fyrr verðum við búin.

Allir geta eitthvað, einhver þarf að laga kaffið og einhver að skemmta mannskapnum á meðan, svo endilega fjölmennið og takið með ykkur vinnufúsar hendur.

Hala - Fréttir júní 2008

Mikil og blómleg starfsemi hefur verið í vetur hjá Halaleikhópnum. Fyrst ber að nefna vel lukkað námskeið sem Ágústa Skúladóttir stjórnaði og nefndi „Sólóstund leikarans.“ Þá tók afmælishátíðin við með tilheyrandi hullumhæi. Edda V. Guðmundsdóttir leikstýrði stuttverkinu „Hvað drap asnann?“, sem Ármann Guðmundsson gaf okkur í afmælisgjöf. Ágústa stjórnaði uppistandshóp. Og Vilhjálmur Hjálmarsson var veislustjóri m.m.

Í okt. voru svo tvö kaffileikhúskvöld. Í vetur var keypt nýtt tölvuljósaborð, bætt við ljósabúnað og keyptur tónmöskvi undir dyggri stjórn Vilhjálms. Einar Andrésson sá um að endurnýja hljóðkerfið og gaf okkur það að hluta til.

Þá tóku við æfingar á Gaukshreiðrinu , eftir Dale Wasserman í leikstjórn Guðjóns Sigvaldasonar. Það var frumsýnt 9. feb. s.l. og sýndar voru 11 sýningar í Halanum. Gaukshreiðrið var svo valið af Þjóðleikhúsinu, sem Athyglisverðasta áhugaleiksýning leikársins 2007 – 2008 og sýndum við „Gaukshreiðrið“ á Stóra sviði Þjóðleikhússins 4. júní s.l..

Þrátt fyrir þessi miklu umsvif síðustu mánuði, erum við ekki af baki dottin og nú erum við búin að auglýsa eftir leikstjóra fyrir næsta leikár. Meðan það er að skýrast, ætlum við að safna kröftum og hafa einn Haladag í Krika 19. júlí n.k.

Breyting á innheimtu árgjalda:

Á aðalfundi Halaleikhópsins 24. maí sl. var samþykkt að hækka árgjaldið í 1800 kr. og senda út greiðsluseðla 1. ágúst nk. Ákveðið var jafnframt að veita 300 kr. afslátt, til þeirra sem greiða fyrir þann tíma. Sem sagt, ef þú greiðir með því að millifæra fyrir 1. ágúst, er árgjaldið 1500 kr. Reiknisnúmer okkar er 1175- 26 – 9976 og kennitalan 421192-2279. Vinsamlega setjið ykkar kennitölu án bandstriks í skýringareitinn.

Haladagur í Krika

Haladagur verður laugardaginn 26. júlí í Krika við Elliðavatn frá kl. 14.00 og fram eftir nóttu, ef svo ber undir. Engin formleg dagskrá er komin ennþá, en allar tillögur vel þegnar. Undanfarin ár hafa Halafélagar komið saman og dundað sér við leiki og leiklestur. Síðan hefur verið grillað, hver og einn kemur með á grillið og við hjálpumst að við að gera það sem þarf.

Ef þú hefur einhver skemmtiatriði eru þau velkomin. Endilega fjölmennið og leyfið leiknum að sleppa lausum hala. Kriki er sumarhús, sem Sjálfsbjörg á höfuðborgarsvæðinu á og stendur við Elliðavatn. Það stendur við Elliðahvammsveg. Á www.kriki.bloggar.is má sjá nánari leiðarlýsingu og ýmislegt um Krika.

Val Þjóðleikhússins á athyglisverðustu áhugaleiksýningu leikársins hefur nú farið fram fimmtánda leikárið í röð. Dómnefnd Þjóðleikhússins í ár var skipuð Tinnu Gunnlaugsdóttur þjóðleikhússtjóa og Vigdísi Jakobsdóttur, deildarstjóra fræðsludeildar Þjóðleikhússins. Dómnefnd hefur komist að þeirri niðurstöðu að velja að þessu sinni:

Gaukshreiðrið
eftir Dale Wasserman
í leikstjórn Guðjóns Sigvaldasonar
og meðförum Halaleikhópsins

Halaleikhópurinn sendi tvo fulltrúa á aðalfund BÍL sem var haldinn í Skagafirði 4. - 5. maí sl. Ásu Hildi Guðjónsdóttur og Stefaníu B. Björnsdóttur. Fundurinn var viðburðarríkur fyrir Halaleikhópinn þar sem á honum var tilkynnt um útslit í keppninni um athyglisverðustu áhugaleiksýningu leikársins 2008. Við hrepptum tiltilinn í ár fyrir Gaukshreiðrið eftir Dale Wasserman í leikstjórn Guðjóns Sigvaldasonar.  Sjá nánar á forsíðunni.

Á myndinni hér til vinstri sést þegar Þjóðleikhússtjóri afhendir fulltrúum okkar viðurkenningarskjalið. Frá vinstri: Tinna Gunnlaugsdóttir, Ása Hildur Guðjónsdóttir, Stefanía B. Björnsdóttir og Gunnar Gunnarsson.

Frá árinu 1962 hefur Alþjóða leiklistardagurinn verið haldinn hátíðlegur um allan heim. Þá hefur heimskunnur leikhúslistamaður verið fenginn til að semja ávarp í tilefni dagsins af Alþjóða leiklistarstofnuninni, ITI, sem hefur aðsetur í Unesco-byggingunni í París. Að þessu sinni er það kanadíski leikhúsfrömuðurinn, leikstjórinn og leikarinn Robert Lepage sem semur alþjóðaávarpið í tilefni dagsins.

Lesa ávarp Roberts Lepage

Íslandsdeild ITI, Leiklistarsamband Íslands, hefur ávalt fengið íslenskan leikhúslistamann til að semja sérstakt ávarp í tilefni Alþjóða leiklistardagsins. Hefur sú hefð skapast að það hafi verið  flutt af höfundi í útvarpi þann dag, sem og af stóra sviði Þjóðleikhússins fyrir sýningu. Þá hafa leikhúslistamenn um allt land stigið fram fyrir tjald leikhúsa sinna og flutt ávarpið íslenska þetta kvöld.

Ávarpið semur að þessu sinni leikarinn og leikstjórinn Benedikt  Erlingsson.

Lesa ávarp Benedikts

Umsagnir áhorfenda:

“Þar þótti mér takast einkar vel til, leiktilþrif með ágætum, framsögn öll jafn góð, leikið af lífi og sál, hin ýmsu tilbrigði sjúkdómsins dregin í dagsljós fram” Helgi Seljan. Velvakandi, Morgunblaðinu 27. feb. 2008

„Þið toppið ykkur alltaf á hverju ári" Halldóra Malin Pétursdóttir

Í febrúar hefur Halaleikhópurinn sýnt leikritið Gaukshreiðrið „One Flew Over the Cuckoo's Nest“ eftir Dale Wasserman, byggt á skáldsögu Ken Kesey, í leikstjórn Guðjóns Sigvaldasonar.

Leikritið endurspeglar þann uppreisnaranda sem ríkti í vestrænum heimi á seinni helmingi sjöunda áratugar síðustu aldar. Það fjallar um eðli geðveikrahæla, stöðu sjúklinganna innan þeirra eins og litið var á geðsjúkdóma um og upp úr miðri síðustu öld. Gaukshreiðrið er í senn ógnvekjandi, grátbroslegt og sprenghlægilegt og þetta samspil er fyrst og fremst ástæðan fyrir hinum miklu vinsældum þessa heimsfræga verks.

Umsagnir áhorfenda:

„ Þið toppið ykkur alltaf á hverju ári" Halldóra Malin Pétursdóttir

„Mér finnst þetta frábært verk og vel leikið, leikmyndin æðisleg og bara allt svo metnaðarfullt!“ Aðalbjörg Gunnarsdóttir.

„Ég skemmti mér konunglega, sveiflaðist á milli þess að hlægja og vera við það að klökkna á stundum“ Kolbrún Dögg Kristjánsdóttir.

“Þar þótti mér takast einkar vel til, leiktilþrif með ágætum, framsögn öll jafn góð, leikið af lífi og sál, hin ýmsu tilbrigði sjúkdómsins dregin í dagsljós fram” Helgi Seljan.

Nú fer sýningum fækkandi á þessu þekkta verki, en leita má frekari upplýsinga www.halaleikhopurinn.is

Þann 9. febrúar nk. mun Halaleikhópurinn frumsýna Gaukshreiðrið "One Flew
Over the Cuckoo's Nest" eftir Dale Wasserman, byggt á skáldsögu Ken Kesey, í
þýðingu Sonju B. Jónsdóttur. Leikstjóri verksins er Guðjón Sigvaldason.

Leikritið endurspeglar þann uppreisnaranda sem ríkti í vestrænum heimi á seinni helmingi sjöunda áratugar síðustu aldar. Það fjallar um eðli geðveikrahæla, stöðu sjúklinganna innan þeirra eins og litið var á geðsjúkdóma um og upp úr miðri síðustu öld.

Gaukshreiðrið er í senn ógnvekjandi, grátbroslegt og sprenghlægilegt og þetta samspil er fyrst og fremst ástæðan fyrir hinum miklu vinsældum þessa heimsfræga verks.
Halaleikhópurinn er áhugaleikhópur fyrir alla, fatlaða sem ófatlaða og hefur að markmiði að "iðka leiklist fyrir alla".

Sýnt verður í Halanum, Hátúni 12 (Sjálfsbjargarhúsinu). Miðapantanir verða á midi@halaleikhopurinn.is og í síma 552-9188.
Nánari upplýsingar um Gaukshreiðrið er að finna HÉR

Föstudaginn 9. nóvember verður eitt af eldri verkum Halaleikhópsins sýnt á stóru tjaldi í Halanum.  Gullna Hliðið eftir Davíð Stefánsson í leikstjórn Eddu V. Guðmundsóttur. Það var frumsýnt 16. nóv. 1996 og nú verður haldið uppá 11 ára afmælið.

Húsið opnar klukkan 19:40 en sýningin byrjar klukkan 20:00.

Ekki verða seldar veitingar en gaman væri að allir kæmu með eitthvað og yrði allt sett saman á borð og allir geta fengið sér.

Aðgangseyrir: Gott skap og jákvætt hugarfar.

Allir hjartanlega velkomnir, meðan húsrúm leyfir.

Bíónefndin.

Guðjón Sigvaldason leikstjóri mun mæta á fundinn og kynna Gaukshreiðrið og hvernig vinnu kringum það verður háttað. Mikilvægt er að þeir sem hafi áhuga á að taka þátt mæti.

Nýir félagar eru velkomnir.

Þann 6. október nk. verður Margt smátt, stuttverkahátíð Bandalags íslenskra leikfélaga, haldin í Borgarleikhúsinu. Í þetta skiptið sýna sex leikfélög alls 15 þætti og eru það allt ný íslensk verk, samin af fólki í leikfélögunum sjálfum.

Það eru Freyvangsleikhúsið, Halaleikhópurinn, Hugleikur, Leikfélag Kópavogs, Leikfélag Mosfellssveitar og Leikfélagið Sýnir sem taka þátt í Mörgu smáu þetta árið. Hátíðin fer fram á Litla sviðinu og hefst klukkan 14:00. Miðaverð er aðeins 1.000 krónur. Sjá nánar HÉR

Gaukshreiðrið endurspeglar á óviðjafnanlegan hátt þann uppreisnaranda sem ríkti í vestrænum heimi á seinni helmingi sjöunda áratugar síðustu aldar. Það gerist á ríkisreknu geðsjúkrahúsi þar sem einn vistmaður æsir sjúklinga á stofnuninni með sér í uppreisn gegn því sem hann telur vera miskunnarlaust harðstjórnarkerfi. Kerfið bregst ókvæða við og ekkert er látið ógert til að brjóta uppreisnina á bak aftur, hún fær vægast sagt óvæntan og óhugnanlegan endi og verður upphafsmanni hennar dýrkeypt.
Það fjallar um eðli geðveikrahæla, stöðu sjúklinganna innan þeirra og hvað felist raunverulega í geðveiki. Kannski á sumt við enn þann dag í dag. Í verkinu er velt upp spurningunni hvort raunveruleg andleg heilun fáist með því að húka inni á geðveikrahæli fjarri venjulegu lífi og láta kerfið ákveða hvað komi sjúklingunum best.

Gaukshreiðrið er í senn ógnvekjandi, grátbroslegt og sprenghlægilegt og þetta samspil er fyrst og fremst ástæðan fyrir hinum feikimiklu vinsældum þessa heimsfræga verks.

Dagskrá fundar:

22. mars 2007

Ávarp Bernd Ogrodnik í tilefni Alþjóða leiklistardagins, 27. Mars 2007

Mannsandinn er uppspretta endalausra vangaveltna, hláturs og gráturs, en það er sama hvernig við lítum á tilveru okkar, það er nær ómögulegt að skilja mikilfengleik hennar.

Stærsta gjöf listamannsins til mannkyns er ef til vill að geta á einhvern hátt tjáð það sem rökhugsun getur aldrei að fullu höndlað og kynslóðir vísindamanna ná aldrei að skýra að fullu – lífið sjálft.

Í æsku sýndum við leikrænu starfi hollustu, í viðleitni okkar til að höndla lífið... við kölluðum það leik. En svo gerðist eitthvað og við hættum þessum barnaskap, fyrir utan fá okkar sem gerðum hann að ævistarfi. Það sem gerðist var að hið vitræna tók yfir og strikaði yfir allar þversagnirnar...... og sjáið hvert það hefur leitt okkur.

Við lifum á tímum þar sem mannleg tilvera virðist vera komin að krossgötum, ójafnvægið milli anda og efnis er orðið svo mikið að það þrýstir á leiðréttingu. Þrátt fyrir, eða kannski frekar – vegna allra framfara mannanna, erum við komin nálægt sjálfs-tortímingu. Við höfum hreinlega ekki náð því að þroskast andlega í takt við tæknilegar framfarir......eða hættum við kannski bara að leika okkur?

En við eigum von, við búum enn að leikhúsinu sem þjónar okkur öllum. Á sviðinu getum við kafað djúpt í margbreytileika tilverunnar, ævintýri hins mikilfenglega mannlífs. Jafnvel er það eitt af síðustu ævintýrunum sem standa okkur enn til boða. Nú þegar við höfum klifið hæstu fjöll, sigrast á þyngdarlögmálinu og lært að fljúga og kafað niður á botn hins óendanlega úthafs, þá göngum við að leikhússenunni, þar sem við enn getum tekist á hendur könnunarleiðangra og skoðað allt það sem ímyndunarafl okkar nær að grípa.

Og ævintýrið gerist beggja vegna tjaldsins. Bæði áhorfendur og leikarar takast á hendur mikla áhættu í þessu stórkostlega ævintýri því það er aldrei að vita hvað bíður hinum megin við tjöldin.

Allt er mögulegt í leikhúsinu og möguleikum fylgir ábyrgð. Listin er ekki eingöngu til að skreyta mannlífið, leikhúsið ekki eingöngu skemmtun. Listin menntar og fræðir og hjálpar okkur til að skilgreina hver við erum sem menningarþjóð og hún lyftir upp mannsandanum.

Leikhúsið nærir okkur og býður okkur upp á óendanlega möguleika til að vaxa og þroskast.

Velkomin í leikhúsið.

Bernd Ogrodnik

Bernd Ogrodnik er einn af fremstu brúðuleikhúsmönnum samtímans. Bernd hefur ferðast víða um heim með brúðusýningar sínar og haldið fyrirlestra á alþjóðlegum leiklistarhátíðum, ráðstefnum og í háskólum. Hann hefur gert brúður fyrir leikhús víða um heim, sem og kvikmyndir.

Bernd er fæddur í Þýskalandi en síðustu ár hefur hann búið í Skíðadal í Eyjafirði þar sem hann hefur komið sér upp frábærri vinnuaðstöðu í gömlum minnkaskála. Bernd hefur unnið eftirminnilega fyrir íslensk leikhús á síðustu árum og meðal annars kynnt brúðuleikhúsið fyrir fullorðnum áhorfendum. Í Þjóðleikhúsinu er nú nýjasta sýning hans, Pétur og úlfurinn á senunni.

Nú eru komnar inn á stjórnarsíðuna listi yfir eldri stjórnir Halaleikhópsins. Mikil heimildavinna hefur verið í gangi þetta ár síðan vefurinn var opnaður. Og upplýsingum verið bætt inn á vefinn jafnóðum. Elsta fundargerðarbók Halaleikhópsins hefur ekki fundist, því hafa upplýsingar verið unnar upp úr leikskrám, fréttatilkynningum og alls kyns ábendingum.

Ef þú lumar á frekari upplýsingum eru þær vel þegnar sem og leikskrár og ljósmyndir allt frá stofnun leikhópsins.

Þann 24.febrúar nk. mun Halaleikhópurinn frumsýna nýtt íslenskt leikrit, „Batnandi maður”, eftir Ármann Guðmundsson sem einnig er leikstjóri verksins.

Halaleikhópurinn er 15 ára á þessu ári og var Ármann fenginn til að skrifa leikrit fyrir hópinn að því tilefni. Að sýningunni koma á fimmta tug manna á einn eða annan hátt.

„Batnandi maður” fjallar á gráglettinn hátt um sjómanninn Sigmar sem fengið hefur nóg af sjómennsku og sér tækifæri þegar hann lendir í vinnuslysi til þess að láta úrskurða sig öryrkja og njóta þannig lífsins á kostnað skattborgaranna.

Þetta er ýkjukennt raunsæisverk með kaldhæðnum ádeilubroddi, sem fjallar á ábyrgðarfullan og fordómalausan hátt, bæði um fordóma gagnvart öryrkjum og fordóma gagnvart þeim sem hafa fordóma gagnvart öryrkjum.

Halaleikhópurinn er áhugaleikhópur fyrir alla, fatlaða sem ófatlaða og hefur að markmiði að „iðka leiklist fyrir alla”. Settar hafa verið upp sýningar á hverju ári frá stofnun hópsins og stundum fleiri en ein.

Sýnt verður í Halanum, Hátúni 12 (Sjálfsbjargarhúsinu).

Erum ennþá mikið að leita að fólki til þess að sjá um tæknimálin fyrir leikritið Batnandi maður eftir Ármann Guðmundsson.

Fólk þarf ekki endilega að vera tæknilega menntað, heldur bara að hafa áhuga á að sjá um allt það sem snýr að tæknihlið leiksýningar, svo sem eins og lýsingu, hljóð og sitthvað fleira. 

Áhugasamir hafi samband sem fyrst við Árna Sal. á netfangið salomon@vortex.is eða 899-2764

3. sept. 2006

22. ágúst 2006

Dagskrá fundar samkvæmt lögum:

1. Kosning fundarstjóra og fundarritara.
2. Inntaka nýrra félaga.
3. Skýrsla formanns.
4. Afgreiddir endurskoðaðir reikningar félagsins.
5. Afgreiðsla tillagna sem borist hafa fundinum, svo sem Lagabreytingar.
6. Starfsemi næsta leikárs.
7. Kosning stjórnar, varastjórnar, tveir skoðunarmenn reikninga og fulltrúa á þing BÍL
8. Árgjald ákveðið.
9. Önnur mál


Kæru félagar!

Þið, sem eigið enn eftir að borga félagsgjaldið 1.100.00 kr., vinsamlega gerið það í síðasta lagi á fundinum. Samkvæmt lögum félagsins hafa aðeins skuldlausir félagar kosningarétt á aðalfundi. Æskilegast er að borga beint inn á 1175-26-9976 og muna að setja ykkar kennitölu með (í reitinn skýring greiðslu). Líka er hægt að borga með greiðslukorti. Ath.! þeir sem skulda félagsgjaldð í 3 ár eða meira, falla út af póstlista. Ef þið hafið breytt heimilisfangi, símanr/gsm/netfangi, vinsamlega tilkynnið það jafnóðum til Ásu Hildar í tölvupósti eða í síma 692-3630

Nýir félagar velkomnir.

Með bestu Halakveðju,
stjórn Halaleikhópsins.