Halaleikhópurinn






		eftir William Shakespeare í þýðingu Helga Hálfdánarsonar Leikgerð og leikstjórn Þröstur Guðbjartsson Frumsýnt 31. jan. 2009

	Um leikritið: Leikgerð Þrastar Guðbjartssonar er unnin upp úr þrem verkum Shakespeare: Þrettándakvöldi, Draumi á Jónsmessunótt og Hinriki IV. Þetta er ærslafullur gamanleikur, sem gerist á einum degi í Illiríu á Karnivali hjá Orsínó greifa. Hann er dapur og því koma vinir hans og leika fyrir hann alls kyns gamanleiki, til að létta honum lífið.

Við sögu koma margar af þekktustu gamanleikjapersónum Shakespeare, eins og t.d. Malvólíó, Tóbías Búlki , Andrés Agahlýr o.fl. Leikritið fjallar í stórum dráttum um ástir, vonbiðla, misskilning og hrekkjabrögð. Tvíburar, piltur og stúlka verða viðskila í hafvillu og brotsjó, þeim er bjargað sitt í hvoru lagi og telja því hvort annað dáið. Stúlkan, Víóla villir á sér heimildir með því að klæðast karlmannsfötum og gerist sendiboði Orsínó hertoga. Hann sendir hana (hann) með bónorð til Ólivíu greifaynju, sem hann þráir að eiga og í stuttu máli fara hjólin að snúast og Víola (Sesaríó) lendir í einum allsherjar misskilningi og leysist ekki úr honum fyrr en í lokaatriðinu þegar bróðir hennar birtist.

Þetta er sem fyrr segir, eitt allsherjar grín frá upphafi til enda.

Persónur og leikendur eru:
	Orsínó, hertogi í Illiríu: Örn Sigurðsson	Ólivía, auðug greifaynja: Auður Birgisdóttir
	Sebastian og Þispa: Sólberg R. Haraldsson	Viola, systir Sebastian og Sesaríó: Stefanía Björk Björnsdóttir
	Herra Tobías Búlki ættingi Ólivíu: Gunnar Freyr Árnason	Herra Andrés Agahlýr: Tobias Hausner
	Fjasti, fífl í þjónustu Ólivíu: Pétur Orri Gíslason	Malvólíó, bryti Ólivíu og Skipstjóri vinur Víólu: Gunnar Gunnarsson, Gunsó
	Kúríó, hirðmaður hertogans, Falstaff og Varðmaður: Kristinn Sveinn Axelsson	Valentín, hirðmaður hertogans, Varðmaður og Hólkur: Jón Freyr Finnsson
	Antóníó: Sigurður Ragnar Kristjánsson	Prestur, Ljón: Guðný Alda Einarsdóttir
	María, þerna Ólivíu: Elísa Ósk Halldórsdóttir	Pýarmus og Gæla: Sóley Björk Axelsdóttir
	Múrveggur: Björk Guðmundsdóttir	Þulur og Veitingakona: Silja Kjartansdóttir
	Sölumaður í Karnivalinu: Gunnar Karl Jónsson	Tunglskin: Telma Kjartansdóttir
	Antóníó, 13. og 15. feb. 2009: Gunnar Ingi Gunnarsson

Um leikstjórann:

Þröstur Guðbjartsson er fæddur og uppalinn í Bolungarvík, við Ísafjarðardjúp og bjó þar fyrstu níu ár lífs síns, en flutti svo suður á mölina þar sem hann hefur verið allar götur síðan, utan
tveggja ára í Húnavatnssýslu. Þröstur fór eins og öll önnur börn á þeim tíma í sveit á sumrin. Leið hans lá vestur í Saurbæjarhrepp í Dalasýslu og hefur sá staður verið honum annað heimili síðan.

Þegar kom að því að velja sér framtíð ákvað Þröstur að leggja fyrir sig bakaraiðn og útskrifaðist með sveinspróf frá Iðnskólanum í Reykjavík árið 1973 og hefur varla hrært í köku síðan. Faðir hans og bræður eru húsamálarar og hefur hann fengist við það, samhliða leiklistinni frá því hann útskrifaðist sem leikari árið 1978. Hann hefur verið lausráðinn leikari síðan þá og hefur tekið að sér yfir 50 hlutverk hjá hinum ýmsu leikhópum og húsum, einnig hefur hann leikstýrt rúmlega 60 verkum hjá áhugaleikhúsum og framhaldsskólum.

Þröstur ber hið síður en svo algenga gælunafn Dösti og er þekktur undir því nafni í leikhúsum og í Bolungarvík. Ástæðan fyrir nafninu er víst sú að Þröstur á 11 systkini og áttu þau í
erfiðleikum með að segja Þröstur, en sögðu þá bara Dösti í staðinn. Þröstur er úr hinni frægu tvíburafjölskyldu frá Bolungarvík en amma hans átti 15 börn, þar af átti hún sex
sinnum tvíbura, sem verður að teljast þokkalegt afrek.

William Shakespear:

William Shakespeare fæddist 26. apríl 1564 í Stratford-upon-Avon í Englandi, og var grafinn þar fimmtíu og sex árum síðar. Móðir hans Mary Arden, var af vel efnuðu fólki komin en faðir hans, John Shakespeare saumaði hanska og var smáverslunar maður. Hann giftist Anne Hathaway, sem var átta árum eldri en hann og átti með henni þrjú börn. Eitt þeirra lést 11 ára gamalt.

Shakespeare gekk ekki menntaveginn, en þrátt fyrir það er hann talinn merkilegasta og mikilvægasta skáld Englands allra tíma og ávallt kallaður þjóðskáld Englendinga. Alls samdi hann 38 leikrit, 154 sonnettur og önnur ljóð á árunum 1590 – 1613.

Hans er getið sem leikara og leikritahöfundar í skrám leikflokksins Lord Chamberlain’s Men árið 1594, en flokkurinn var einn fremsti leikflokkur Lundúna á sínum tíma.

Helgi Hálfdánarson, hefur þýtt öll leikrit Shakespeare á íslensku og telja margir þýðingar hans einstakar.

Aðrir sem koma að sýningunni á einn eða annan hátt :
	Leikstjóri, hönnuður leikmyndar og búninga, samsetning tónlistar: Þröstur Guðbjartsson	Aðstoðarleikstjóri, Leikskrárstjóri umsjón með heimasíðu, miðapantanir, búningar, leikmynd, sýningarstjóri o.fl.: Ása Hildur Guðjónsdóttir
	Aðstoðarleikstjóri í janúar, íhlaupaleikari, sýningarstjóri o.fl.: Gunnar Ingi Gunnarsson	Ljósahönnun: Magnús Addi Ólafsson
	Ljósamaður: William Valgeir Wiley	Hljóðmaður: Hafsteinn Þór Guðmundsson
	Ljósahönnun og ráðgjöf: Vilhjálmur Hjálmarsson	Framkvæmdastjóri, leikmunir, o.fl.: Kristín R. Magnúsdóttir
	Ljósmyndari á æfingum: Kristinn Guðjónsson	Búningar, saumar o.fl. : Kristín M. Bjarnadóttir
	Miðasölustjóri: Guðríður Ólafsdóttir	Húsvörður, altmuligtmand, umsjón með leikmynd, ræstingar o.fl.: Einar Andrésson
	Fjölmiðlafulltrúi, ljósmyndari o.fl.: Höskuldur Höskuldsson	Fjölmiðlafulltrúi: Leifur Leifsson
	Förðun: Ólöf Kristín Helgadóttir	Aðstoð við gerð leikmyndar: Ingimar Atli Arnarson
	Málari, förðun, kaffi og þrif o.fl.: Stefanía Björk Björnsdóttir	Málari: Arnar Ágúst Klemensson
	Aðstoð við gerð leikmyndar, hönnun og gerð plakats og póstkorta, förðun o.fl.: Elísa Ósk Halldórsdóttir	Saumakona: Jónína Ragnarsdóttir
	Saumakona: Helga Jónsdóttir	Saumakona: María
	Aðstoð við að finna til tónlist: Örn Sigurðsson	Frumsýningarpartý: Bára Jónsdóttir
	Aðstoð við leikmynd, miðasölu og sjoppu: Sigrún Ósk Arnardóttir	Aðstoð við hönnun plakats: Guðný Svava Strandberg
	Aðstoð við gerð leikmyndar: Marteinn Jónsson	Miðasala - atstoð í frumsýningarpartýi: Kristín Viðarsdóttir
	Miðasala - sjoppa: Anna Guðrún Sigurðardóttir	Miðasala - sjoppa: Guðný Guðnadóttir
	Upptaka á sýningunni: Guðmundur Bjartmars: Kvikmyndaskóli Íslands

Sýningar urðu 12 sú síðasta 8. mars 2009.

Umfjöllun um sýninguna:

Þorgeir Tryggvason : Velheppnuð Shakespeare-sýning í Halanum

Ingibjörg Elsa Björnsdóttir: Bakhtínskur Shakespeare - hið raunverulega karnival

Halaleikhópurinn þakkar öllum, sem hafa lagt honum lið við að koma upp þessari sýningu.

Sérstakar þakkir til maka og nánustu aðstandenda fyrir þolinmæðina á tímabilinu.