Halaleikhópurinn sendir ykkur hugheilar óskir um gleðilega hátíð og farsæld á nýju ári.
Halaleikhópurinn sendir ykkur hugheilar óskir um gleðilega hátíð og farsæld á nýju ári.
Við þökkum samstarfið og hlýjuna á liðnu ári. Hlökkum til að sjá ykkur á nýju ári í Halanum.
Ný stjórn og nýr leikstjóri ráðinn
Aðalfundur Halaleikhópsins var haldinn 15. maí sl. Á fundinum voru auk hefðbundinna aðalfundarstarfa kosið í stjórn. Nýjir stjórnarmeðlimir eru varaformaður Hanna Margrét Kristleifsdóttir, gjaldkeri Grétar Pétur Geirsson og meðstjórnandi Sigurður Örn Pétursson.
Aðalfundur Halaleikhópsins verður 15. maí
Hala-Fréttir maí 2017
Aðalfundur Halaleikhópsins verður haldinn mánudaginn 15. maí kl. 20.00 í Halanum Hátúni 12.
Einnig kemur tilvonandi leikstjóri og kynnir aðalverkefni leikársins og skrifar undir ráðningarsamning.
Ávörp á Alþjóðlega leiklistardeginum 27. mars 2017
Jæja, hérna erum við þá enn einu sinni saman komin að vori fimmtíu og fimm árum frá því við héldum fyrst upp á Alþjóðlega leiklistardaginn. Bara einn dagur, 24 klukkustundir tileinkaðar leikhúsinu um allan heim: Nō-leikhúsinu og Bunraku, Pekingóperunni og Kathakali. Við flögrum á milli Grikklands og Norðurlanda, í faðmi Æskílosar eða Ibsen, Sófóklesar eða Strindbergs. Á milli Bretlands og Ítalíu, Söruh Kane og Pirandello. Og meira að segja í Frakklandi, þar sem við erum þessa stundina í París, heimsborginni sem laðar til sín leikhópa ýmissa landa til að heiðra leiklistina. Innan þessara 24 klukkustunda förum við frá Frakklandi til Rússlands, frá Racine og Moliere til Tsjékhovs. Við getum jafnvel þverað Atlantshafið alla leið til Kaliforníu til að lokka unga nemendur til að skapa sér nafn í leikhúsinu.
Stuttverkahátíð 24.-26. mars 2017
Halaleikhópurinn mun næstkomandi helgi, 24.-26. mars 2017, hýsa 3 stuttverk og lifandi tónlist heldur lífi í salnum á milli atriða.
Félagsfundur 9. janúar kl. 20.00
Félagsfundur verður haldinn mánudaginn 9. janúar kl. 20.00 í Halanum, Hátúni 12.
Margret Guttormsdóttur ráðin til að leikstýra
Halaleikhópurinn hefur ráðið Margreti Guttormsdóttur til að leikstýra okkur í vetur. Setja á upp splunkunýtt leikrit „Farið“ eftir Ingunni Láru Kristjánsdóttur.
Farið nýtt íslenskt leikrit
Haustið verður nýtt til að setja upp splunkunýtt íslenskt verk. Leikkonan, leikstjórinn og höfundurinn Ingunn Lára Kristjánsdóttir var fengin til að skrifa fyrir Halaleikhópinn. Áður en hún fór til starfa í Bretlandi í sumar kom hún til fundar við okkur í Halaleikhópnum og fékk að heyra hvað fólk hafði að segja. Hún hefur nú ásamt öðrum störfum (svo sem að sýna með eigin leikhópi á Edinborgarhátíðinni við góðann orðstýr) skrifað leikrit.
Hittum höfund 3. júlí
Ákveðið var á stjórnarfundi að bjóða til hittings í Halanum Hátúni 12. sunnudaginn 3. júlí klukkan 15:00.
Ný stjórn Halaleikhópsins 2016
Á aðalfundi Halaleikhópsins 17. maí 2016 var eftirfarandi stjórn kosin:
Formaður: Unnar Helgi Halldórsson
Varaformaður: Stefanía Björk Björnsdóttir
Gjaldkeri: Ólöf I. Davíðsdóttir
Ritari: Ása Hildur Guðjónsdóttir
Meðstjórnandi: Margret Guttormsdóttir
Akkur styrkir Halaleikhópinn
26. apríl hlaut Halaleikhópurinn 300.000 kr. styrk frá Akk styrktar- og menningarsjóðs vélstjóra og málmtæknimanna. Kunnum við þeim bestu þakkir fyrir stuðningurinn er okkur mikils virði.
Aðalfundur Halaleikhópsins 17. maí 2016 kl. 20.00
Aðalfundur Halaleikhópsins 2016 verður haldinn í Halanum Hátúni 12, þriðjudaginn 17. maí kl. 20.00
Kaffi og kruðerí verður á fundinum og nýjir félagar velkomnir.
Við vekjum athygli á því að einungis skuldlausir félagar geta kosið. Hægt verður að greiða félagsgjöldin á fundinum en við verðum ekki með posa.
Vinnustofa í sagnalist
Halaleikhópurinn býður upp á vinnustofu í sagnalist nú á vordögum. Þetta er sjálfstætt framhald námskeiðs sem haldið var árið 2014. Þá var unnið með þjóðsögur og ævintýri en að þessu sinni verður viðfangsefnið persónulegar sögur. Leiðbeinandi verður sem áður, Ólöf I. Davíðsdóttir, en hún nam sagnalist í Bandaríkjunum. Vinnustofan í ár er öllum opin, jafnt félagsfólki sem öðrum, og þarf fólk ekki að hafa verið á fyrra námskeiðinu. Farið verður stuttlega yfir helstu leiðbeiningar frá fyrra námskeiði, gerðar æfingar og á milli funda vinna þátttakendur áfram með sína sögu heima.
Spilakvöld 6. apríl
Þann 6. apríl ætlum við að halda annað spilakvöld. Nóg af borðspilum verða á staðnum, en ef einhver er með uppáhalds spil má sá hinn sami koma með það með sér.
Við byrjum að spila klukkan 20:00, eða átta.
Bestu kveðjur
Nefndin
Halaleikhópurinn sýnir leikritið Stræti
Halaleikhópurinn frumsýnir 29 janúar, leikritið Stræti eftir Jim Cartwright í leiksjórn og leikgerð Guðjóns Sigvaldasonar. Stræti er átakasaga með kómísku ívafi og fjallar um fólk sem býr við sömu götu. Aðstæður þeirra markast af efnislegri óvissu, firringu og brotnum samskiptum. Þar eiga allir sína drauma sem halda mörgum á floti þegar viljinn dugar ekki í erfiðum kringumstæðum. Samskiptin eru oft hrjúf og óvægin með óþvegnu og grófu orðfari sem er ekki fyrir viðkvæma. Áhorfandinn fylgist með fólki gera sig klárt til að skreppa á pöbbinn, skemmta sér þar misvel og halda síðan aftur heim til sín eða annarra þar sem ýmislegt getur gerst.
Hátíðarkveðja
Halaleikhópurinn sendir ykkur sínar bestu óskir um gleðileg jól og farsælt komandi ár.
Innlit í Stræti
| Innlit í Stræti sýningarplan: | ||||
|---|---|---|---|---|
| Eintöl | föstudaginn | 20. nóv. | kl. 20.00 | miðaverð 1000 kr. |
| Sagan af Joey og Clark | föstudaginn | 4. des. | kl. 20.00 | miðaverð 1500 kr. |
| Sagan af Joey og Clark | laugardaginn | 5. des. | kl. 20.00 | miðaverð 1500 kr. |
Halafréttir sept. 2015
Kæru félagar.
Nú fer að líða að hausti og vonandi eru allir hressir og kátir eftir sumarið. Vonandi allir tilbúnir að takast á við skemmtilegt starf í Halaleikhópnum í haust og vetur.
Haladagur í Krika laugardaginn 18. júlí kl. 14.00
Við hittumst og höfum það kósý saman. Það verður samt sem áður smá dagskrá sem byrjar kl. 14.00.
Við byrjum með mikilli leikgleði undir stjórn Margretar Guttormsdóttur. Allir sem vetlingi geta valdið taka þátt. Svo kemur Jón Eiríksson með gítarinn og startar fjöldasöng. Ef einhver óskalög eru þá skal ritari reyna að finna texta og koma með. Það má láta vita á netfangið
Ása Hildur ætlar að baka vöfflur sem seldar verða til styrktar Krikanum.
Framhaldsaðalfundur Halaleikhópsins 2015
Framhaldsaðalfundur Halaleikhópsins 2015 verður haldinn í Halanum þriðjudaginn 9. júní kl. 20.00
Á dagskrá verður:
Afgreiddir endurskoðaðir reikningar félagsins.